Archive | અદમ ટંકારવી RSS feed for this section

યાદોનાં પરફ્યુમ્સ ઊડે છે

15 મે

યાદોનાં પરફ્યુમ્સ ઊડે છે,
ડનલોપી સપનાં આવે છે.

તારી ગલીના લૅમ્પપોસ્ટ પર,
સાઠ વૉલ્ટનું ફૂલ ખીલે છે.

આજકાલ તો તારા બદલે,
નેઈમપ્લેટ ઉત્તર દઈ દે છે.

પ્રેમપત્ર પૂરો થઈ જાતાં,
ટાઈપરાઈટર આહ ભરે છે.

તારા શહેરની રોનક કેવી,
સઘળી ટ્રેનો ત્યાં થોભે છે.

અદમ ટંકારવી

સૌજન્ય : જયદીપનું જગત
http://jaydeep.wordpress.com/2006/12/04/ghazal13/