Archive | ડૉ. દર્શિકા શાહ RSS feed for this section

હસતા હસતા છલકાઈ જાય છે આંખ

9 મે

હસતા હસતા છલકાઈ જાય છે આંખ
રડતા રડતા છલકાઈ જાય છે આંખ
ખુશીના આંસુ, દુખના આંસુ,
મોતી બની ખરી જાય છે આંસુ,
કયારેક હસુ, કયારેક રડું,
માણસ છું હું આખરે……

લાગણીઓ કયારેક લહેરાઈ લહેરાઈ જાય,
પ્રેમના ઘોડાપુર ઉમટે કયારેક,
કયારેક જડ બની જાય લાગણીઓ,
પ્રેમનો જાણે દુકાળ પડી જાય,
કયારેક પ્રેમ અપાર, કયારેક ક્રોધ અપાર,
માણસ છું હું આખરે……

કયારેક સમેટાઈ જાઉં, કયારેક વિખરાઈ જાઉં,
કયારેક ખોવાઈ જાઉં, કયારેક લુંટાઈ જાઉં,
દુનિયાની વિટંબણાઓમાં અટવાઈ જાઉં,
કયારેક મુક્ત શ્વસુ, કયારેક રુંધાઈ જાઉં,
માણસ છું હું આખરે….

ડૉ. દર્શિકા શાહ

સૌજન્ય : સ્પંદન (ડૉ. જ્યોતિ હાથી)